Jólaföndur og jólakaffi

 Jólakúlur

Jólaföndur og jólakaffi
í Bláberinu
laugardaginn 3. desember

Árlegt jólakaffihlaðborð nemendafélags Seljaskóla verður haldið í tengslum við jólaföndur foreldrafélagsins laugardaginn 3. desember.

Gleðin stendur frá kl. 10:00 til 14:00.
         --  Gengið inn um D-inngang af skólalóð  --


Verð á hlaðborðið:

500 kr. (innifalið er: tvennt af hlaðborði og djús eða kaffi)

leikskólakrakkar sem eru í fylgd með eldri systkini fá ókeypis.


150 kr. 1x straujun á perlum.

Föndurpakki:

1000 kr. Fyrir veglegan föndurpakka.

Með kveðju

Foreldrafélag og stjórn Nemendafélags Seljaskóla.

Prenta | Netfang

Starfskynning á Landspítalann við Hringbraut

 


15322489 10211112465398482 1072311098 o15292718 10211112465918495 285190515 o  15319379 10211112466198502 1550408405 n

    

Starfskynning á Landspítalann við Hringbraut

Nemendum í 10. bekk býðst í samráði við náms- og starfsráðgjafa skólans að fara í eina starfskynningu hver í vetur. Fyrsti hópurinn fór 29. nóvember á Landspítalann við Hringbraut. Þar fengu nemendur kynningu á störfum sjúkraliða, hjúkrunarfræðinga, ljósmæðra, lækna, geislafræðinga og lífeindafræðinga. Gaman er að segja frá því að nemendur fengu sérstakt hrós fyrir kurteisi og flotta framkomu á kynningunni.

Prenta | Netfang

Íslenskuverðlaun

Íslenskuverðlaun unga fólksins í bókmenntaborginni Reykjavík voru veitt við hátíðlega athöfn í Norðurljósasal Hörpu á degi íslenskrar tungu 16. nóvember. Verðlaununum er ætlað að efla áhuga nemenda á íslenskri tungu og hvetja þá til framfara á sviði tjáningar, talaðs máls og ritaðs.

Í ár tilnefndi Seljaskóli eftirtalda  nemendur til þessara verðlauna. Hera Sjöfn Atladóttir 4. bekk fyrir jákvæðni og vinnusemi og einstaka hæfni í íslensku, hvort sem er í ræðu eða riti. Saga Guðrún Ólafsdóttir 7. bekk fyrir að vera afburðarnemandi í íslensku, hvort sem um er að ræða málfæði, ritun, stafsetningu eða lesskilning. Freyja Sóldís Guðlaugsdóttir  10. bekk fyrir einstaklega gott vald á íslenskri tungu, mikinn orðaforða, góðan lesskilning og persónulegan ritstíl.

Íslenskuverðlaunin voru að þessu sinni í formi verðlaunaskjals og bókagjafar. Þá verður verðlaunahöfum einnig boðið til móttöku í Gunnarshúsi, aðsetri Rithöfundasambands Íslands, til fundar við höfunda barna- og unglingabóka. Við í Seljaskóla óskum þeim innilega til hamingju með þennan frábæra árangur

 

Prenta | Netfang

Skólastarf á aðventunni

Skólastarf á aðventu 2016  1.- 10. bekkur

28. nóv.- 2. des. Fyrsta vikan í aðventu. Skreytum  miðrými, ganga og stofur. Höfum jólalegt í kringum okkur á aðventunni.

28. nóvember mánudagur.  Leiksýning Stoppleikhópsins,

Sigga og skessan í jólaskapi fyrir nemendur í 1.-3. bekk.

30. nóv. miðvikudagur Foreldrum nemenda í 1. bekk boðið í heitt kakó og piparkökumálun kl. 8:30-9.30.

1. des. fimmtudagur.  Þjóðlegur dagur í Seljaskóla. Í tilefni fullveldisdagsins 1. des. Dagsins sérstaklega minnst í kennslu. Starfsfólk og nemendur klæðist  einhverju þjóðlegu þennan dag, t.d. lopapeysu eða öðrum þjóðlegum fatnaði.

Foreldrum nemenda í 3. bekk boðið í heitt kakó og piparkökumálun  kl. 8:30-9.30.

2.des. föstudagur.   Foreldrum nemenda í 2. bekk boðið í heitt kakó og piparkökumálun kl. 8:30-9.30.

Skreytingardagur í unglingadeild   kl. 08:50 – 12:00.

14. des. miðvikudagur. Jólaball fyrir 6. og 7. bekk í Aski kl. 18.00-20.00.

15. des. fimmtudagur .

Kirkjuheimsókn nemenda í 1. - 6. bekk í Seljakirkju:

1. - 3. bekkur kl. 9.00

4. - 6. bekkur kl. 10.10

5. bekkur verður með jólasöngleik sem Vilborg Þórhallsdóttir, tónlistarkennari hefur umsjón með. Kennt er skv. stundaskrá daginn sem kirkjuferðin er.

Jólamatur fyrir alla nemendur og starfsmenn í mötuneyti skólans.   

Jólaball fyrir 8. -10. bekk í Aski kl. 19:30-22.00.

20. des. þriðjudagur

Nemendur í 7. -10. bekk mæta í stofu umsjónarkennara kl. 10.30 og verða með samverustund. Sparinesti.  Kirkjuheimsókn  í Seljakirkju  

kl. 12.00.

Jólaskemmtanir hjá 1.- 6. bekk  verða sem hér segir:

4., 5. og 6 bekkur kl. 9.30- 11.00  Nemendur mæta í heimastofur og fara síðan í Ask. Skemmtun á sal í umsjón 6. bekkjar og gengið verður í kringum jólatréð. Að henni lokinni verða stofujól í heimastofu. Sparinesti.

1., 2. og 3. bekkur kl. 11.00-12.30  Nemendur mæta í heimastofur kl. 11.00  og síðan verður jólatrésskemmtun í Aski. Dagskrá í umsjón

3. bekkjar. Gengið verður í kringum jólatréð og jólasveinar mæta á staðinn kl 11.30. Eftir skemmtunina verður samverustund í heimastofu. Sparinesti.

Janúar 2017

3. janúar þriðjudagur.  Skólastarf  hefst eftir jólafrí skv. stundaskrá.

10. janúar þriðjudagur. Vorönn hefst

                                                                                       Skólastjórnendur

Prenta | Netfang

Fleiri greinar...

STRV Fyrirmyndarstofnun 2015-01

Graenfaninn sm