26. janúar var hundraðasti skóladagur nemenda í 1. bekk en þeir hafa verið taldir samviskusamlega frá fyrsta degi. Í tilefni dagsins var slegið upp veislu.

Byrjað var á því að fara í vasaljósagöngu að tjörninni. Allir nemendur höfðu búið til og skreytt kramarhús og fengu í það 10 tegundur af ýmsu góðgæti og taldi hver nemandi í 10 stykki af hverju í kramarhúsið sitt þannig að samtals voru 100 stykki í hverju, t.d. cheerios, rúsínur, popp, saltstangir og fl.

Í hádeginu var gasgrillið dregið út í snjóskafl og grillaðar pylsur og boðið upp á 100 daga köku í eftirrétt. Stórskemmtilegur dagur sem tókst í alla staði sérstaklega vel.



Kynning verður á námi í framhaldsskólum fyrir nemendur í 9. og 10. bekk og foreldra þeirra fimmtudaginn 19. janúar í Fjölbrautaskólanum í Breiðholti frá kl. 17:00 – 19:00

Á staðnum verða fulltrúar frá framhaldsskólum á höfuðborgarsvæðinu ásamt fulltrúa frá menntmálaráðuneytinu. Nemendur og foreldrar í Breiðholti, Árbæ, Norðlingaholti og Grafarholti fá hér frábært tækifæri til að kynna sér á einum stað fjölbreytt framhaldsnám á höfuðborgarsvæðinu.